Samkomulag er um að Kaupfélag Skagfirðinga kaupi í það minnsta 75 prósent hlutafjár í mjólkurvöruframleiðandanum Mjólku. Núverandi eigendur munu eiga áfram hlut í fyrirtækinu. Málið hefur verið sent til samkeppnisyfirvalda og niðurstöðu þeirra er vænst á næstu dögum.

Neðri Háls fagnar 20 ára afmæli í lífrænni ræktun um þessar mundir, en  árið 1989 setti búið á markað fyrstu lífrænu gulræturnar. Ábúendur eru  Kristján Oddsson og Dóra Ruf.

„Asískt grænmeti hefur verið flutt inn frá Austurlöndum og selt í sérverslunum. Það hefur náð auknum vinsældum og fer neytendahópurinn sífellt stækkandi. Bæði er það fólk frá fjarlægum stöðum jarðar og fjölmennur hópur sem hefur áhuga á nýjungum í matargerð sem sækir í þetta hráefni.

Umhverfisstofnun hefur samþykkt að veita ORF Líftækni hf. leyfi til útiræktunar í tilraunaskyni á erfðabreyttu byggi með ströngum skilyrðum og undir eftirliti Umhverfisstofnunar. Þetta kemur fram í fréttatilkynningu Umhverfisstofnunarinnar í dag.