„Asískt grænmeti hefur verið flutt inn frá Austurlöndum og selt í sérverslunum. Það hefur náð auknum vinsældum og fer neytendahópurinn sífellt stækkandi. Bæði er það fólk frá fjarlægum stöðum jarðar og fjölmennur hópur sem hefur áhuga á nýjungum í matargerð sem sækir í þetta hráefni.

Það hefur gengið misvel með innflutning, skipaflutningar eru ekki raunhæfur kostur og flugfraktin er dýr og tekur tíma, þannig að varan er ekki alltaf í góðu ásigkomulagi eftir ferðina,“ segir Ingólfur um tildrög þess að þau fóru að huga að þessari ræktun. „Mörgum þykir einnig nóg um að ferskvara sé flutt þannig um hálfan hnöttinn – og alls ekki vistvænt – og við erum að reyna að koma til móts við það sjónarmið. Aukin fjölbreytni í íslenskri garðyrkju var einnig hvati að þessari tilraunaræktun og gjaldeyrissparnaður verður sömuleiðis nokkur,“ segir hann.

„Asískt grænmeti hefur verið flutt inn frá Austurlöndum og selt í sérverslunum. Það hefur náð auknum vinsældum og fer neytendahópurinn sífellt stækkandi. Bæði er það fólk frá fjarlægum stöðum jarðar og fjölmennur hópur sem hefur áhuga á nýjungum í matargerð sem sækir í þetta hráefni. Það hefur gengið misvel með innflutning, skipaflutningar eru ekki raunhæfur kostur og flugfraktin er dýr og tekur tíma, þannig að varan er ekki alltaf í góðu ásigkomulagi eftir ferðina,“ segir Ingólfur um tildrög þess að þau fóru að huga að þessari ræktun. „Mörgum þykir einnig nóg um að ferskvara sé flutt þannig um hálfan hnöttinn – og alls ekki vistvænt – og við erum að reyna að koma til móts við það sjónarmið. Aukin fjölbreytni í íslenskri garðyrkju var einnig hvati að þessari tilraunaræktun og gjaldeyrissparnaður verður sömuleiðis nokkur,“ segir hann.

Tælenskt brokkolí, okra-aldin, sinnepskál og pak-choi
Ingólfur segir að lagt hafi verið upp með tegundir sem eru vinsælar í asískri matargerð, sem reyndar sé að breiðast út um allan heim. „Úrvalið einskorðast þó ekki við Suðaustur-Asíu heldur einnig tegundir sem eru vinsælar í Norður-Afríku og Indlandi. Dæmi um tegundir eru tælenskt brokkolí, nokkrar áður óþekktar tegundir af gúrkuættinni sem verður spennandi að nota, okra-aldin sem eru að ná útbreiðslu um allan heim að heita má, tælensk basilíka, sinnepskál og ýmsar framandlegar salattegundir sem eru mjög ljúffengar og fallegar. Þá er þarna pak-choi, sem heitir á íslensku blaðkál og hefur aðeins verið reynt hér í görðum, einnig kínahreðkur og fleiri tegundir sem fæstar hafa fengið íslensk heiti.“

Að sögn Ingólfs eru sumar þessara tegunda aðeins komnar á markað en aðrar eru í uppeldi og tíminn leiðir í ljós hvernig þær hafast við. Allar eigi það sameiginlegt að geta bætt íslensku grænmetisflóruna, eflt garðyrkjuna á Íslandi og dregið úr innflutningi.
Hann segir að við val á tegundum hafi verslunin Asian við Suðurlandsbraut verið mjög hjálpleg, en þar er hægt að kaupa þetta grænmeti og einnig matvöru frá fjarlægum heimshlutum.

Meira er sagt frá búskapnum á Engi, og væntanlegum lífrænum bændamarkaði þar, í Bændablaðinu sem kemur út á morgun, en sértakur blaðauki um garðyrkju er þar að finna.

Á myndinni er Ingólfur við tælenskt brokkolí.