Ávaxtakaka með lífrænni jógúrt

Fylling:

• 3 dósir hrein lífræn jógúrt
• 1/8 l lífræn mjólk
• 3 msk maísenamjöl
• 1 msk vanillusykur
• 1 tsk hreina vanillu
• 2 eggjarauður
• 4 eggjahvítur
• 80 g hrásykur

Hitið mjólkina og jógúrtina að suðumörkum. Hrærið eggjarauður,vanillusykur, vanillu og maísenamjöli saman við og bætið út í jógúrtina. Látið kólna.

Stífþeytið eggjahvíturnar og hrærið hrásykurinn saman við. Blandið köldu kreminu varlega saman við stífþeyttar eggjahvíturnar.

Botn:

• 250 g smjör
• 250 g hrásykur
• 2 eggjarauður +1 egg
• 150 g hveiti
• 150 g heilhveiti

Mjúkhrærið smjör og blandið hrásykur saman við. Bætið eggjarauðum og egginu út á og hrærið. Blandið heilhveiti og hveiti (má líka nota spelt) saman við hræruna og geymið á köldum stað í klukkutíma.

Setjið botninn í vel smurt hringlaga form, ca 5mm þykkur botn. Má kæla þetta í smá stund.

Svo er fyllingin sett á botninn. Skreytið kökuna með ávöxtum, Þetta er svo lítið árstímabundið hvað er sett út á, látið hugmyndaflugið ráða.

Bakist í 60-70 mínútur við 150° C.

Kakan á myndinni er skreytt með eplaskífum, rifsberjum og bláberjum

Lífræn jógúrt-boozt

• Klaki
• 1 dós lífræn jarðarberja jógúrt
• 1 lífrænn banani

Hrært saman í mixara, tilbúið til drykkjar

Krækiberjadraumur

• 1 dós hrein lífræn jógúrt
• 1-2 teskeiðar hrásykur
• 1 dl þeyttur rjómi
• 3 epli niðurrifin
• 3 bollar krækiber
• Makkarónur til skreytingar

Hrærið hrásykur út í jógúrtina. Blandið eplin saman við rjómann og bætið síðan sykraða jógúrtina og krækiberin við.

Skreytið með makkarónum.

Jógúrtkaka

• 2 bollar sigtað spelt eða hveiti
• 1 bolli hrásykur
• 1 teskeið lyftiduft
• örlítið salt
• 125 g brætt smjör
• 2 egg
• 1 dós lífræn jógúrt með múslí

Hrásykurinn og brædda smjörið hrært vel saman og síðan eggin líka. Deigið sett í hringform og bakist í 35 – 40 mínútur eða í ílangt form og bakist þá í 40 – 50 mínútur hvoru tveggja við 180°C

Grísk jógúrtsósa

• 1 dós Grísk jógúrt
• 1/2 agúrka, rifin
• sjávarsalt/salt
• svartur pipar
• 2 hvítlauksgeira